Մեկնարկը տրված է․
Ունենք քարաքոսերի և սնկերի 6 տեսակների առաջարկ, որոնց նկարները տեղադրված են հրապարակման մեջ․ այնպես որ ձեզ մնում է հավանել ձեր նախընտրած տարբերակը։
Մեկնաբանություններում նշեք քարաքոսի և սնկի այն տեսակը, որը ըստ ձեզ, պետք է դառնա 2025 թվականի տարվա քարաքոս և սունկ։
Կրթական այս արշավի նպատակն է յուրաքանչյուր տարի ընտրել այդ տարին խորհրդանշող տեսակերը և հասարակության լայն շերտերի ուշադրությունը հրավիրել դրանց կենսամիջավայրերի ճանաչողության, պահպանության վրա, ինչպես նաև՝ բարձրացնել քարաքոսերի և սնկերի հանրային գնահատականը։
Նշենք, որ քվեարկության ամենաակտիվ 5 մասնակիցները կստանան նվերներ («Հայաստանում տարածված էպիֆիտային մակրոքարաքոսերի ուղեցույց», գիտական խմբի լոգոտիպով վերնաշապիկ, գլխարկ և բաժակ)։
Քվեարկությունը մեկնարկում է սույն թվականի մարտի 5-ին և տևելու է մեկ ամիս։
Առաջարկվող տեսակների մասին պարբերաբար կլինեն հրապարակումներ, քննարկումներ և հետաքրքիր նյութեր։